المجهود

كلمه السر لاي حاجه حلوه اووووي او وحشه اوووووووووووي

المجهود لو اتحط ف مكانه صح مع شويه اهتمام بالتفاصيل بيبقي الناتج اجمل ما يكون 

ولو المجهود اتحط ف المكان الغلط يبقي اسواء مايكون 

والاسواء انه ميبقاش فيه مجهود خالص 

ساعات كمان كلمه السر بتبقي المجهود 

يعني ممكن تسال بنت ليه رفضتي الولد ده  مع انك بتحبيه جدا وبتكون اجابتها معملش عشاني اي مجهود 

والمجهود ده ممكن يكون ف حاجات بسيطه 

زي انه يحاول يعرفها 

بتحب ايه , بتكره ايه , بتخاف من ايه

ودايما المجهود بيكمن ف التفاصيل انك تكون مستمع جيد للي بتحبه حافظ تغيراته 

عارف امتي بيقي مرتاح وامتي بيبان عليه الضيقه وازاي تتصرف ف الحلتين

المجهود كمان بيكون بين الاب وابنه ان الابن يبذل مجهود ف انه يفهم ابوه والاب يفهم ابنه

بين الصحاب ف المجود اللي بنعمله عشانن نحافظ ع الصداقه دي رغم كل مشاكل الحياه

اوقات كتير المجهود هو رمانه الميزان لكل العلاقات 

ومهم اوي نفهم ونختار مجهودنا رايح فين وع مين عشان ميبقاش مجهود نتاجه صفر

 كاريوكي 

تحديدا امير عيد المغني اللي صوته مش حلو مش مطرب ميسلطنكش من جمال صوته

لكنه قادر انه يتكلم عنك ويوصف بالظبط اللي جواكي واللي مش قادر تقوله 

قادر انه يتكلم بلسانك ويعيش حالتك ويمر بكل اللي بتمر بيه

المغني الوحيد اللي بيكبر معاك مابيمشيش مع الموجه دايما عكس الموجه لدرجه انه صنع موجه لنفسه 

اكتر حد عرف يعبر عن حاله التوهة لجيل التسعينات وان الدنيا بتجري وهما مش قادرين يجرو بنفس سرعتها (متكتف)

عاش معانا كل مراحل حياتنا من اول الثوره والاحساس بالثوران وحب التغير واننا اخيرا قدرنا نقول كفايا(يا ياالميدان؟)

كان صوتنا واحنا بنطالب برئيس يشبهنا يحس بينا (مطلوب رئيس) 

مرورا بكل مراحل الحياه من الاحباط والاحساس بالقيد من ظروف الحياه والبلد والحلم الضايع اللي كل فتره ويجي يوجع انك سبته يروح

(انا نجم بس مافيش سما )

الحب الضايع واللي بنكابر عشان نقول اننا نسينا ومع اول ذكري بنتوجع وحاله التردد اننا نكمل وله نسيب (مابتوحشنيش)

امير عيد مش مجرد مغني لجيلنا امير عيد لسان حالنا 

امير اشجع مننا لانه قال االي مش قادرين نقوله او نعترف بيه

شكرا امير عيد 

شكرا كاريوكي